Added On : August 18, 2012 | 31011 Views
'അമ്മവീട്ടില് 'ഇനി ശാന്തകുമാരിയ്ക്ക്് ശാന്തമായി ഉറങ്ങാം . തലചായ്ക്കാന്...
'അമ്മവീട്ടില് 'ഇനി ശാന്തകുമാരിയ്ക്ക്് ശാന്തമായി ഉറങ്ങാം . തലചായ്ക്കാന് ഇടമില്ലാത്തതിനാല് കഴിഞ്ഞ 10 വര്ഷക്കാലമായി ഹോസ്റ്റലില് കഴിയുന്ന ചലച്ചിത്ര നടി ശാന്തകുമാരിയ്ക്ക് താരങ്ങളുടെ സംഘടനയായ അമ്മയാണ് വീട് വച്ച് നല്കിയത്. മന്ത്രി കെ ബി ഗണേഷ്കുമാര് വീടിന്റെ താക്കോല് ശാന്തകുമാരിയ്ക്ക് കൈമാറി. ചലച്ചിത്ര താരങ്ങളായ ദിലീപ്, ജയസൂര്യ, വിനു മോഹന് ,അമ്മ സെക്രട്ടറി ഇടവേള ബാബു തുടങ്ങിയവരുള്പ്പെടെ സിനിമാ- സീരിയല് രംഗത്തെ നിരവധി പേര് ചടങ്ങിന് സാക്ഷ്യം വഹിച്ചു. മൂന്ന് പതിറ്റാണ്ട് മുമ്പ് ചുവന്ന വിത്തുകളിലെ നായികയായി ചലച്ചിത്രരംഗത്തേയ്ക്ക് കടന്നുവന്ന ശാന്തകുമാരി എന്നും ദുരിതങ്ങളുടെ ലോകത്തായിരുന്നു. രണ്ട് പെണ്മക്കളുടേയും വിവാഹം കഴിഞ്ഞതോടെ ഇവര് താമസം ഹോസ്്റ്റലിലേയ്ക്ക് മാറ്റി. പക്ഷേ ഷൂട്ടിങ്ങിന് ശേഷം വൈകി എത്തുന്നത് വര്ക്കിങ് വിമന്സ് ഹോസ്റ്റലുകളില് അനുവദിയ്ക്കാതായതോടെ ഇവരുടെ താമസം അനിശ്ചിതത്വത്തിലായി. അങ്്ങനെയാണ് അമ്മ ഇവര്ക്ക് വീട് വച്ച് നല്കാനൊരുങ്ങിയത്. ഒരു വര്ഷം കൊണ്ട് 20 ലക്ഷം രൂപ ചെലവിലാണ് ഇവര്ക്ക് വൈറ്റില ജംഗ്ഷനോട് ചേര്ന്നുള്ള സ്ഥലത്ത് അമ്മ വീട്നിര്മ്മിച്ച് നല്കിയത്. വീടിന്റെ നിര്മാണ ചെലവിന്റെ ആദ്യഘട്ടം അമ്മ ഏറ്റെടുത്തപ്പോള് ബാക്കി തുക സിനിമാ പ്രവര്ത്തകര് സ്വരൂപി്ക്കുകയായിരുന്നു.
